Die Häbbätz
Kannschde net beschreibe, muschde seh, muschde hör’n.
Roude Häbbät, Bloue Häbbät, gääle Häbbät, griene Häbbät.
Es ganze Johr net zu finne in Ihrm Fastnachtzwirn.
Erschd wann in Hepprum der Jokus in de Gasse kleppert!
Bunt muss es seu, sagt der Häbbät, mit Verlaub.
Jeder is am mache, alle sin am du, meer aa,
meer häwwe e Minikloani Giddaa un e riesegroußi Pauk‘.
Alle dun meer singe, un wanns geht, ehr aa.
Reukumme, g’sunge, un die Leit uff die Tisch g’stellt.
Fascht zum trinke gezwunge, weil mer Dorschd hat bei de Sach‘.
Wann sich de Oane orrer Annere gern emol dezu g’sellt,
trinke mer en schnelle, weil mer müsse jo noch nach… (net noch Bensem!)
Die Lieder sin sozialkritisch un handle von oft vun Äbblwoi,
E paar sin künstlerisch hochwertig, die geh’n dann iwwer Worschd.
Die Hutzelschweitzer Fastnacht is unser liebschdie kennt net schönner seu!
Un wu die Häbbätz singe, singe se oft a iwwer Dorschd!
